Weber今年一月先升咗做花旗香港區阿Head，咁快就獲得廣泛認同，真係可喜可賀！
評審團十足查家宅
唔講唔知，原來Weber加入銀行界前，曾經喺中國可口可樂、寶潔香港擔任要職；佢喺○○年加盟花旗，之後就不斷升職，打拚到今日位高權重，係活生生嘅「獅子山下的故事」！
其實要攞呢個獎，認真係「過五關斬六將」，Weber被提名後除咗要被盡職審查之外，原來舉辦機構仲訪問過Weber嘅同事、行家，甚至係佢嘅客戶添！唔止係咁，佢重要經過由金融、監管、顧問及傳媒界別翹楚組成嘅六人評審團一致推選o架！估吓邊個上年咁巴閉攞到呢個獎？之唔係滙豐香港區總裁馮婉眉囉。
余絲韻