翻查資料顯示，友邦信託最新市佔率係9.7%，排名第三。距離第一位嘅滙豐，相差成20個百分點。要做MPF一哥好明顯係一項大挑戰！
「NO 1車牌」夠矚目
絲絲見馮裕祺將個「MPF NO 1」車牌放喺辦公室當眼處，咁上心，唔通有咩大計？佢就笑笑口咁話，生意梗係愈多愈好，無話有咩目標咁話喎! 佢又話，前線代理同埋一班後勤員工都好明白強積金對打工仔幾咁重要，所以佢就更加要bear in mind，互勉成為強積金NO.1。
不過，絲絲理解嘅NO.1，唔只係市佔率，仲有跑贏大市嘅回報喎! 希望馮裕祺可以帶領友邦信託朝呢個目標進發，等打工仔嘅退休儲備多幾個錢呀！