記得孫總舊年出任蒙牛總裁，首次見記者時就已經隆重其事，悉心打扮，仲話好緊張添，其實佢見慣大場面，邊會緊張，睇黎佢好重視就真。絲絲仲（目及）到有專人幫佢set頭，可能件衫都特別揀過添！今次都唔例外，有個貼身助手幫佢從頭到腳都打點好，成個image都好貴氣、好得體，個助手仲好細心，等孫總坐定後，仲執一執，夠晒認真。
業績會隆重似展銷
絲絲聽聞佢好重視出席公開場合，咁又係，正所謂人靠衣妝嘛，first impression真係好重要，尤其女人最貪靚！
講開蒙牛，尋日舉行中期業績記者會，成個場布置到好似展銷會咁，仲有好多產品大型props，好似有特侖蘇、純牛奶等等，製作認真。