聯手開發平靚手機
除咗上網，超過70%嘅用戶會打機、用apps（應用程式）、搵資料，更加有89%用戶用過智能手機研究產品或者服務，43%仲試過用手機買嘢；換言之，智能手機唔單止係不可或缺嘅交易渠道，仲可以好大程度咁影響消費者嘅決定。
不過，全球仲有50億人冇香港人咁好彩，所以Facebook（fb）舵手朱克伯格前日公布大計，同諾基亞、三星電子、聯發科技、愛立信、Opera軟件、高通（Qualcomm）成立組織Internet.org，為佢哋開發平靚正嘅智能手機，仲會配合各國政府同電訊商，提供負擔得起嘅上網同數據服務，完成我哋呢代人嘅使命，小妹就喺度祝佢哋一切順利啦！