想住得「鬆動」，有Budget不妨揀主攻大兩房戶的南浪海灣，樓齡約十三年，位處屯門碼頭區的恒富街，由於與輕鐵豐景園站只有一馬路之隔，住戶搭三個輕鐵站就到市中心，消閒、購物甚至乎轉乘港鐵同樣方便。
屋苑最大賣點是會所規模大，連平台花園佔地廣達18萬呎，設施包羅萬有，足不出戶盡享悠閒度假生活。
南浪海灣由五座大廈組成，提供1,264個單位，兩房戶建築面積700餘方呎，較市中心屋苑四、五百方呎寬敞得多，大房大廳的設計深得上車客歡心。
祥益高級營業經理林偉光表示，南浪海灣兩房戶共有兩款間隔，向內園的單位採鑽石廳間隔，擺位考心思；反觀向外圍單位則是長廳設計，內籠較實用，而新近最平的交吉盤正是該類長廳單位，位於6座低層H室，建築/實用面積707/524方呎，主人房及客廳採弧形落地玻璃設計，甚具氣派。由於無樓睇，故單位開價較平，現叫價340萬元，較今年高位價回落近6%，建築呎價唔使五千元，屬區內較抵的上車選擇。