「補水」超奀終爆抗議
話說十年前銀行股改準備上市，當時工行同建行等大型內銀就據員工年資畀錢補償，解除「勞動關係」，不過整頓完之後內銀食正經濟起飛個勢，賺到盆滿缽滿，離開咗嘅職工，梗係好想分享成果啦。
亦有傳言就話其實當年賠得好差，所謂據員工年資畀錢補償，只係每一年年資賠2,500蚊人民幣，只不過係忍到依家先爆發，不過既然等到依家先抗議，要追討都好困難。
建行發言人話，尋日總行門前的確有幾十個上訪人員聚集，係前幾年按法律法規同國家政策，同建行協議解除勞動合同嘅人員，佢哋對此高度關注，會依照國家法律法規同《信訪條例》妥善處理，至於工行發言人就到截稿前都未有回覆。