絲絲講場:ASM凍薪 打底防寒

公司嘅管理層最清楚盤數嘅好醜,仲要做定好多前瞻嘅部署,睇下基金愛股ASM太平洋(00522)就知,佢哋嘅半年度成績表其實唔差,但就聞到陣燶味,於是即刻凍薪,為期18個月,各位股東,唔知會唔會即刻畀呢陣冷空氣凍親呢?

全體高管以身作則

ASM太平洋係半導體行業龍頭,呢幾年環球經濟不穩就大家都知,佢哋都受到影響,舊年上半年盈利都唔錯,但下半年就急轉直下,第四季更加「見紅」。嚟到今年,佢哋第二季就真係做得唔錯,盈利較首季升咗近28倍,但公司都唔敢對前景太樂觀。

業績轉靚 花紅補數

見到舊年第四季嘅光景,公司即刻凍薪,CEO李偉光話,公司總共有40幾個高管,由今年年頭開始凍薪,為期18個月,希望以身作則,令員工知道現時市況不穩,公司要加強控制成本。

ASM有1.6萬個員工,40幾個高管凍薪可能對公司幫助唔算好大,但絲絲覺得,管理層願意做先頭部隊,都係好嘅表現嚟o架!

各位高管又唔使咁擔心,李生講到明,公司會搵機會補償番這些高管,如果下半年業績繼續明顯改善的話,他們的花紅都會增加!

余詩韻