一年一度嘅國際體壇盛事環法單車賽啱啱完結，話晒今年都係賽事舉行第100屆嘅大日子，所以賽事吸引咗好多知名品牌嘅贊助。TCL通訊（02618）旗下嘅法國品牌ALCATEL ONE TOUCH已經係第三年贊助呢個單車賽事。
喺賽事舉行期間，TCL通訊個花車車隊巡遊法國各地。絲絲仲聽聞到，TCL通訊首席執行官郭愛平喺後生時好鍾意踩單車，唔怪得一直以嚟TCL通訊都咁鼎力支持環法單車賽啦！
TCL通訊喺月頭時就已經公布咗今年第二季嘅業績較第一季度有明顯增長，仲會扭虧為盈。公司預計會喺下個月中派發上半年成績表，屆時仲會喺現場發布最新嘅手機畀媒體同投資者先睹為快添。
余詩韻