平民想幫美國還債
話說Reynolds收到PayPal電郵畀佢嘅六月份月結單，竟然發現自己嘅戶口入面有成92,233,720,368,547,800美元，唔單止比斯利姆有錢一百萬倍，仲係美國國債嘅5,411倍！Reynolds就話，佢見到有咁多錢，第一件事唔係想買跑車或者豪宅，而係想幫美國還清國債呀，事關呢個係全美國人嘅煩惱！第二件事就係買起佢最鍾意嘅棒球隊費城費城人隊呀！
不過Reynolds都只係短暫咁做咗一陣世界首富，事關當佢再次登入PayPal戶口嘅時候，呢一筆錢已「不翼而飛」啦！而PayPal就話，呢個好明顯係一個錯失，仲會代Reynolds捐錢畀慈善機構作為補償咁話！