絲絲講場：郭炳聯教睇傳記「升呢」

閱讀習慣專注自律

事務向來繁忙嘅郭炳聯尋日現身書展，同百五名基層學童互動交流，鼓勵年輕人培養閱讀習慣，仲分享閱讀名人傳記嘅好處。

佢就話，睇見每位成功人士背後嘅成功原因，同謙遜、虛心學習嘅性格都好有關係，相信閱讀名人傳記可以從中得到啟發，增長自己智慧。

郭炳聯又話，每次閱畢喜歡嘅書本，多與父母、朋友溝通，隨時感受到更大嘅樂趣。

佢仲將培養閱讀習慣比喻人生，話兩者同樣都需要自律、專注咁話。所以孩子追尋夢想，亦要充滿決心，對準目標兼做好準備，先至可以一步步地邁向成功。