Money views:會升與想升

早前港股大跌,恒指由五月中近23,500點跌至上月底大約19,400點,雖然最近已見反彈,但其實仍有不少股友「坐艇」當中。以下是最近筆者與一些股友的真實對話。

股友甲:「你點睇後市呀?」

大健:「我比較看淡,估計兩萬二千點有阻力。」

股友甲:「唔係喎,伯南克話未有咁快退市喎,照計個市可以再升多啲。」

大健:「哦。」

股友甲:「咁你又點睇隻xxx呀?」(股票名用x代替,無謂引起大家聯想)

大健:「呢隻股唔係近日市場焦點,無消息嘅話好難炒得起喎。」

股友甲:「唔係喎,有新聞話呢間公司盈利將會大升㗎。」

大健:「既然係咁,你仲使咩問我呢?」

股友甲:「唉,但係我見個股價跌得咁勁,覺得佢應該要升番㗎。」

大健:「等等,講清楚先。你係『想』股價升番,定係你『估』股價升番呀?」

股友甲:(尷尬地)「哈哈哈。」

期望蓋過預期

很奇怪,我們往往將期望和預期混為一談。當然,買一隻股票,作出一項投資時,我們很清楚心目中的預期。我們預期股價向上,所以買入一隻股票,持有這隻股票的時候,我們會繼續預期股價向上。

漸漸地,我們加入一些期望,期望股價向上,再漸漸地我們好像已經分不清對後市的看法是出於預期,還是期望。

當事情出現變化,很多人會讓期望蓋過預期,即使預期股價再難向上,可是往往用期望來安慰自己,不願意放棄和止蝕。我不懂叫你何時應該放棄或止蝕,但至少希望你懂得分清「期望」和「預期」。

哈哈,其實我也只是期望大家明白,沒有預期大家會恍然大悟。

iBank新鮮人

大健

財務碩士畢業,投身財經記者行列數年,之後無論轉職歐資投行,抑或現任職英資金融機構,始終情繫中環,相信各有前因莫羨人。

微博:http://t.sina.com.cn/taikin