呢位畀人叫起身嘅中資投行主管級賓卡，雖然仍然搵到刁、做到刁，但公司早前同佢講，話公司「無錢」，畀唔起高人工佢，希望佢自動辭職。賓卡點會咁傻仔，無端端自己炒自己，又唔係對公司冇貢獻，又冇犯錯，梗係企硬等食「肥雞」啦！
搞私募好過做細刁
金占士諗返轉頭，呢間投行都好慘，又要減人，又苦無理由，惟有好坦白咁話冇錢囉。
其實近年愈來愈少大刁不特止，就算有刁，個Size細得嚟又多人分，搞到保薦收入縮水，啲投行人才有路數都會自己走，金占士聽過好多走去做私募基金，亦聽過有人返內地做「合夥人」搞吓生意仔。其實講到底都係嗰句，「哪裏有錢、哪裏就有好人才」。
金占士