Adrain同絲絲講，其實上海K11嘅低碳環保購物藝術中心今年一月十八日已經試業，上海人咁緊貼潮流，都好like呢間內地首家購物藝術中心，標榜藝術、人文、自然元素融合理念，絲絲覺得即係一路shopping，又可以欣賞分布商場內嘅藝術品，又講環保，檔次都提高好多咁。
商場農莊共冶一爐
上海K11嘅低碳環保係利用可再生資源，將綠色帶到公眾日常生活，仲獲得美國綠色建築委員會頒發LEED金獎認證。所以絲絲特別要去睇場內用垂直綠化牆設計，喺六樓平台嘅屋頂花園，仲可以俯瞰上海最熱鬧嘅淮海路，場內仲有個成3,000呎嘅都市農莊可以體驗種植樂趣。
余詩韻