絲絲講場：沙特王子要起千六米摩廈

想佢落戶要畀甜頭

其實王子已經有另一個摩天大廈嘅計劃進行緊，喺佢名下樓高1,000米嘅Kingdom Tower，前年喺吉達開始動工，不過王子可能認為1,000米都仲未夠威，所以先有今次呢個想法啦！

王子話已經邀請咗杜拜最大嘅地產商合作，大家商量興建呢幢超級摩天大廈嘅可行性。雖然佢仲未透露計劃嘅詳情，不過就話只有上海、倫敦、紐約等大城市，先襯得起呢幢將會係全世界最高嘅建築物！王子仲話，如果邊個城市想同佢合作，都要先提供優厚嘅合作條款至有得傾，當地政府仲要提供稅務優惠等支援。

不過絲絲有啲懷疑，興建咁高嘅大廈可行性有幾高呢？建築專家就話，雖然計劃將會遇到不同設計同技術上嘅挑戰，好似要點樣有效率地供水上頂樓等，不過都並非不可解決嘅難題。睇嚟王子想創世界紀錄都指日可待喇！

余詩韻