絲絲講場：新中「綠色上身」倡環保

涼茶糖水照顧員工

佢哋更配合今年世界環境日嘅主題「思前‧食後‧厲行節約」，向同事提供低碳飲食貼士，鼓勵大家參與環保生活。絲絲都趕上潮流，尋日都着綠色裙開工呀！

絲絲聽聞，佢哋喺五至六月嘅每個周五，都有「健康甜心涼水」活動，向員工送上新鮮即煮嘅涼茶和糖水，例如夏枯草涼茶和白果腐竹糖水，低碳得嚟又有家嘅感覺。

其實依家樣樣講環保，絲絲聽新中講，佢哋一直喺建築產品中實現綠色環保設計，以及喺組織不同環保活動中，將低碳生活理念帶入社區外，佢哋喺內地已有八個項目獲取美國能源與環境設計先鋒評級（LEED）金獎認證或預認證添。