絲絲講場：大新手機碌卡買奶茶
潮流興唔帶銀包出街，淨係帶部電話、身份證同幾張卡就搞掂，尋日大新銀行（02356）零售銀行處信用卡業務主管莊麗蓮（Lilian）仲親身示範點樣用信用卡買奶茶，真係非常方便。
尋日絲絲同Lilian傾偈嘅時候，突然有個外賣哥哥問係咪有人叫外賣，原來係Lilian見出面天氣熱，叫咗幾杯奶茶畀大家消吓暑咁話喎。當外賣哥哥收錢嘅時候，見Lilian只係拎張信用卡出嚟，喺外賣哥哥部電話碌兩碌，好快就畀咗錢。
查實嗰位哥哥仔唔係外賣仔，只係客串吓幫手宣傳，但係乜原來電話都可以碌卡o架咩？
流動平台代替銀包
Lilian同絲絲講，其實嗰位哥哥仔部電話裝咗大新出嘅雙讀卡器，再喺佢哋銀行嘅Pay@Mobile信用卡流動收款平台進行交易，咁樣出街就唔使帶咁多散紙之餘又有分儲，之後再有sms收據，係咪好方便呢！
絲絲以後出街都係帶定幾張信用卡，儲多啲分換禮物先！