絲絲講場：理文李氏 伯樂世家

講完公事講賽馬

昨日李氏家族三間公司一齊開股東會，絲絲就去搵理文造紙CEO李文俊（Raymond）同董事總經理李文斌（Edmond）傾傾偈，講完公司最近生意做成點這些正經事之後，絲絲就同佢哋閒談，因為絲絲平日都對賽馬無咩研究，就問佢哋今年旗下嘅馬跑成點。

物色英澳紐名駒

一講到馬，Edmond就好興奮，佢話今年佢哋已經拉過五次頭馬，獎金加埋都有成幾百萬，不過七除八扣下，真正落袋都唔係好多，所以佢都話，養馬只係興趣，唔好諗住有得賺錢。雖然係咁，但佢哋都繼續積極到英國、新西蘭、澳洲等地物色靚馬，最近就用咗五十萬從新西蘭買咗匹馬，希望可以喺香港跑一班賽。

余詩韻