工作表現獲得肯定
絲絲仲發現一樣特別嘢，就係恒地公關阿頭顏雪芳（Bonnie）個名，竟然出現喺年報嘅高層管理人員個人資料頁內，絲絲即刻打電話畀Bonnie，佢好驚訝咁都畀人發現到。
現為恒地企業傳訊部總經理嘅Bonnie話，佢係首次「上榜」，個名被加入高管資料部分，而最令佢開心嘅係，佢係唯一一位「非姓李」嘅女性上榜，算係佢自○五年一月加入恒地以嚟，公司對佢工作表現嘅一份肯定，所以呢份年報對佢更加別具意義。
其實Bonnie入恒地之前做過銀行界，又做到香港旅發局公關總經理，不過恒地就畀佢更大歸屬感，因為老闆四叔（李兆基）同家人真係好nice，佢又成日要代四叔回應各界，慢慢都覺得好似一家人咁。