雙語齊出助內地人
Blair喺台灣學過中文，識睇漢字，太太又係台灣人，普通話講得比絲絲靈光，但佢就承認自己通常幫嘅都係老外，比較少向嚟自中國內地嘅遊客提出協助，所以覺得自己應該要做多啲。
於是有次佢喺中環見到個內地中年女士打開地圖，就鼓起勇氣衝埋去，首先用番母語英文問佢使唔使幫手，後嚟見佢冇咩反應就轉用普通話頻道，之後嗰位女士竟然答佢想去荃灣！
可惜當時佢哋企喺嗰個位距離荃灣太遠，而Blair又唔夠時間，惟有教佢去搭地鐵，去到荃灣再問人。
雖然嗰次Blair唔可以直接帶遊客去到目的地，但總算幫咗好大忙，絲絲以後都要多啲幫唔同國籍嘅遊客先！
余詩韻