上周全球都公布通脹數字，其中美國通脹按年升幅1.5%，遠低於聯儲局目標通脹2.5%，亦係八個月低位。經濟未掂、通脹未升，換言之聯儲局未有耐退市。
英國通脹就按年維持喺十個月高位2.8%，遠高於英倫銀行目標2%，不過在通脹同經濟增長兩者之間，都係經濟行先，所以嚟緊繼續加推QE的機會仍相當高，只不過時間上，大家都估緊會唔會等七月一日卡尼上場後先出手。
換個角度睇，英倫銀行距離退市十劃都未有一撇，不過今年聯儲局就開始炒緊退市，有咁大對比，明顯英鎊中線仲係睇淡，所以上周已講英鎊仍舊要沽。
策略上，今個星期就要轉睇GDP數據，美國及英國將會分別公布第一季GDP數據，其中英國GDP備受市場關注，雖然投資者預期將增加0.1%，一旦數據差於預期，將增加英國經濟三度衰退的擔憂，英鎊將確認於1.5410反彈見頂再次回落，目標先設於1.50，進一步可看跌至1.48。
GMO CLICK環球通副總裁 陳健豪