領導人過身 放心買
馬雲嘅言論，係咪有幾分「股神」巴菲特影子呢？馬雲舉咗兩個經典例子，第一個係鄧小平逝世嗰陣，朋友打電話問佢點睇第二日個市，佢話鄧小平年紀大，過身唔係突發嘅事，如果佢係國家領導人，一定會早有準備，例如有晒穩定軍隊、穩定經濟嘅措施。最後馬雲「晒冷」，將所有錢買晒股票，8分鐘之後股票就漲停了！
第二個例子係香港回歸，當時大家都諗住股票會飆升，但馬雲認為肯定有倒楣事發生，結果九七回歸前五、六月，金融風暴席捲亞洲。
絲絲認為馬雲呢套買股邏輯其實通用喺任何事上：凡事都有正反好壞兩面，要不時提醒自己「旁觀者清」啊！