絲絲講場:馬時亨台上響機兜得妙

銀行嘅推銷電話絲絲就收唔少啦,如果電話喺唔適當嘅時候響起,應該點樣應付?呢方面真係要向前商務及經濟發展局局長馬時亨(Frederick)學習喇!

話說尋日花旗香港舉行咗個頒獎典禮,席間作為評審之一嘅阿Fred上台分享佢評審嘅心得,講到一半嘅時候突然手機突然響起!當大家都諗緊佢會點樣應對嘅時候,阿Fred淡淡定定咁話:「啱啱有銀行打電話畀我,梗係因為我淨係提花旗唔提佢哋個名唔高興,打嚟向我投訴喇!」哈哈,又兜得幾好喎。

自身經歷鼓勵進修

阿Fred喺財經圈打滾咗幾十年,佢話自己係讀經濟同歷史出身,缺乏會計知識,所以曾讀夜校進修,換句話講,只要大家肯不斷進修,吸收更多財金知識,就唔使一定局限喺一個範疇咁話。