昨日筆者預期港股低位反彈的劇本，估唔到只係三點前有效，期指好友在午市前，於21,611點水平守住，嘗試反攻意圖其實相當明顯。直到三點歐洲開市，期指衝穿早市高位21,771點後，仲係威係勢見過21,799點全日高位，奈何歐股高開後隨即轉升為跌，港股底子弱，拋售威力被放大。
昨日見收市前，期指失守21,611點的中途防線後，跌勢轉急，最後收報21,511點，較現貨21,569點低水58點。近期港股比外圍，甚至比A股更弱，情況要到幾時方可逆轉？暫時很難說得定。
由投行的統計數字，今年美國及日本兩大量寬國，美日兩個股市巨無霸吸走環球基金超過六成以上的淨流入資金，新興市場僧多粥少下，無錄得淨流出的已是萬幸，中國首季GDP得7.7%，反貪、限制公費開支及環保的提倡，也直接影響近月的經濟表現，基金買大中華概念的興趣持續低迷。
本周二港股低位見過21,475點，與21,612至22,251點的1.236支持21,461點接近，一旦失守，下望21,367及21,292點，昨日一心博反彈，午後在21,700點開倉立即坐艇，如果今早無迹象能夠企穩訂下的止蝕價21,560點以上，也不得不壯士斷臂。
John Mullen