王總講到明，釣魚島自古以來係中國領土，日本人應該學多一點歷史。話晒都係文明人，王總最終都希望兩國透過和平方式解決問題，咁樣對航空公司都有利。
事實上，舊年內地反日情緒好高漲，大部分航空公司喺舊年九月至十二月期間，飛日本航線客量一下子跌咗三、四成，到依家雖然情況改善咗少少，但距完全復原仲有一段距離。
東航飛日轉細機止蝕
東航（00670）老總馬須倫亦話，舊年頭8個月中日航線增長好好，突然間九月開始就倒跌，所以公司就即刻諗應對辦法，除咗將大機轉細機外，仲有減少航班次數，令最終損失減到最少，不過佢認為短期內都睇唔到復甦喎。