絲絲講場：富邦旅遊卡老闆都like
你嘅旅遊好夥伴係咩呢？除咗地圖同太陽油，一張認受性高嘅信用卡當然唔少得啦。富邦香港就因應香港人愛旅遊嘅天性，將信用卡打造成旅遊卡，該行高級副總裁兼消費金融部主管谷祖明（Stanley）話呢張「簽住賺、拍住玩」嘅信用卡，連佢老闆都話好滿意o架！
用呢張旅遊卡喺台灣簽帳，除咗有超過800間商戶接受之外，仲唔洗登記就有20倍積分，Stanley話就連佢老闆都唔信會有咁着數，直至去台灣公幹，食飯用信用卡埋單有折扣，先知原來真係咁抵，搞到老闆鬼咁開心。
簽帳600蚊可抽獎
話說張卡每簽帳600蚊都可以參加一次抽獎，保證有積分贈送，Stanley興高采烈咁話佢兩次都抽到最高獎賞，但係佢好嚴肅咁補充：「唔係內定o架，即使我係老細都一視同仁」，吓，咁又真係幾好運喎。
今年二月，富邦香港嘅信用卡客戶喺台灣簽帳金額按年大升咗170%，Stanley仲話，今年發卡量目標係達到雙位數增長。