期指觀瀾:弱勢畢呈嚴控注碼

受富時指數成分股變動影響,上周五港股成交明顯增加,可是市況卻是反覆之極,恒指即市見過22,799點,剛好觸及短線跌浪23,262至22,305點的0.5反彈阻力22,783點之後,淡友站穩陣腳,午後藉A股升幅收窄,大市級級落。

近期留意到幾次即市高開低收,都係有無厘頭傳聞累事,例如日前的深圳樓限漲令,上周五就傳出比亞迪(01211)巨額批股,公司作出澄清,不過大部分投資者在經過一、二月的震倉後,普遍有唔明朗環境揸現金的心態。

上周五,建議期指開市低於22,580點可以試買,結果開22,636點,全日得個睇字,即市高位22,720點,同訂下的超短線反彈目標22,721點,只相差1點。

上周五先高後低走勢,即使未完全破壞上星期四的反彈,但再挾高的氣勢已失,一日期指及國期唔返回上周跌市0.5反彈阻力樓上,即22,733及11,234點前,認真唔值得揸貨過夜。筆者認為,今浪最難評估,仲係中港股市大弱勢,完全漠視外圍升市,發展落去,會係歐美日股掉頭,對中港股市踩多兩腳,抑或沽多一浪,嚴重超賣後好友挾上追回外圍升幅?有明確訊號前,即市要訂止蝕兼嚴控入市注碼。

John Mullen