去年處理消費逾萬億
PayPal Here係一個流動信用卡讀卡系統，只要配合一部智能手機就用得，連開鎖匠都用得着，點解？Kerry話：「你可能試過唔小心將自己反鎖喺屋企出面，需要僱用開鎖匠，但係入到屋先發覺唔夠現金，要去附近ATM撳錢會好麻煩，如果開鎖匠有用PayPal Here，就可以接受信用卡付款，解決呢個尷尬問題喇！」
電子支付逐漸成為主流，喺一二年，全球經PayPal處理嘅消費額就達到1,450億美元（約11,310億港元），比一一年增加咗22%，而喺上年十月至十二月假期旺季期間，就處理咗6.92億宗交易，相等於平均每分鐘處理5,223宗付款！