諧音「一生一世」
呢隻之唔係半新股翠華（01314）囉，佢尋日就勁喇，最高曾經升超過7%，報3.7元，最後收市報3.67元，升6.37%，創晒上市新高，同招股價2.27元相比，累計升超過六成。翠華升得咁勁，唔知係咪同佢個股票編號「一三一四」諧音係「一生一世」，食正情人節氣氛有關呢？
講係咁講，不過絲絲都好難相信，有人會因為個諧音，就走去追入翠華股票，搞到炒起個股價，睇怕都係跟大市升居多。加上絲絲八卦上網查一查，原來翠華前年真係有搞過情人節套餐，呢兩年都冇再搞，睇落唔似可以點受惠到。不過絲絲都唔排除，情人節啲高級餐廳又貴又多人，會有啲崇尚簡單嘅情侶轉為走去食翠華！
余詩韻