渣打馬拉松就嚟又開鑼，今年特步國際（01368）除咗梅開二度，再次做活動嘅獨家服裝合作partner之外，仲贊助埋港大校友會件戰衣，據聞件衫又輕又有型，着住嚟跑，可能會跑得快啲。
其實特步呢幾年贊助咗唔少跑步界嘅體壇盛事，好似舊年就開始贊助倫敦奧運100米飛人賽嘅銅牌得主基寧，而單計舊年上半年，又贊助咗至少六場國際性嘅馬拉松，當中仲包括號稱全球最高海拔嘅西藏國際半程馬拉松。
憑住呢啲豐富經驗，特步今年已經係第二年成為咁多年嚟，唯一贊助渣打馬拉松嘅中國體育品牌，相當犀利！更加唔簡單嘅係，特步仲幫舊年派咗成三千人參賽嘅港大校友會design件戰衣，入面好似仲要係臥虎藏龍，好多都係香港嘅精英！
絲絲聽朋友講，雖然大會嗰件衫已經好靚，但特步幫港大設計嗰件非常特別，物料零舍唔同之餘仲要特別輕，絲絲淨係見張相已經覺得佢好有型，希望各位健兒特別係港大嘅校友今年有好成績喇！
余絲韻