絲絲講場：鐵甲奇俠用TCL新產品
中國品牌喺國際獲得嘅認受性愈嚟愈高，TCL多媒體（01070）最近就同荷里活電影《鐵甲奇俠 3》進行包括品牌植入、聯合推廣、創意元素授權等多項合作，而TCL全球最大嘅110吋四倍全高清3D液晶顯示屏，同埋TCL通訊（02618）全新嘅智能手機都會喺《鐵甲奇俠 3》中露面添。
闖荷里活 銳意年輕化
其實TCL已經唔係第一次同荷里活電影合作，之前《變形金剛 3》、《復仇者聯盟》、《蝙蝠俠3：夜神起義》、《雲圖》等電影嘅聯合推廣都非常成功，打造國際化同年輕化嘅形象，擴大品牌喺國際影響力。所以，依家電視機同智能手機已經唔係日本同南韓品牌嘅專利，國產品牌一樣可以走出中國，面向世界舞台。
《鐵甲奇俠 3》將會喺五月於美國、中國等多個國家同日上映，相信各位《鐵甲奇俠 3》嘅粉絲都應該唔會錯過。