劉強東傳低調來港
喺網購界好有人氣嘅劉強東，舊年先講過今年底前京東都唔會上市，不過自從爆出阿里巴巴會喺今年上市嘅消息後，就觸動咗佢嘅神經。無他嘅，投資界普遍認為，如果阿里巴巴揀喺今年上市，市值分分鐘高達600億至800億美元，一定會吸引好多基金重錘出擊。一旦京東招股遲過阿里，啲重點基金好大機會失去咗興趣。
國美在線精簡人手
而京東嘅「死對頭」國美電器（00493）旗下國美在線則被傳裁員。國美董事兼副總裁鄒曉春即刻同絲絲解釋，只是人員整合優化，因為國美商城同庫巴整合之後，採購、物流同埋技術都用埋同一個後台，所以人手方面就做咗啲精簡，留番一批表現好嘅員工。
余詩韻