寶湖多客爭睇照封盤

不少業主認為施政報告房屋政策遠水不能救近火,令多個屋苑起哄,業主在唔憂賣下,紛紛加價、封盤,大埔寶湖花園一個罕有交吉放盤,放盤數天即獲多組睇樓客參觀,業主因恐平賣,遂封盤觀望。

德福業主嗌貴一成

寶湖花園交吉放盤罕有,以至出現多客爭睇盤,中原李紅指,該屋苑C座高層戶,建築/實用面積615/505方呎,於上周施政報告出籠後開價400萬元,業主見一日內有6組客睇樓,當中更有2組出價洽購,為免平賣,最終寧願封盤靜觀後市。

九龍灣德福花園近日不少業主調高叫價,美聯黃遠基稱,屋苑整體叫價按周升5至10%,其中J座中層16室,建築/實用面積626/556方呎,業主將放盤提價約一成至600萬元,建築/實用呎價9,585/10,791元。

香港置業伍創業表示,施政報告公布後,業主反應相對更大,令近日市場湧現反價、封盤個案。該公司指出,大角咀港灣豪庭10座高層D室,原叫價470萬元,近日因看好後市,認為毋須急於出售,故決定封盤;至於土瓜灣區近日睇樓量維持平穩,部分業主反價3至5%。