絲絲講場：渣打睇市兩張相講晒
仲有唔夠一個月就到蛇年，各大銀行開始出嚟講吓出年股市走勢，其中渣打香港嘅財富管理投資策略主管梁振輝（Will），分別用咗兩張崎嶇不平同凹凸路嘅相，去比喻舊年同今年嘅港股，相當特別。
佢話舊年港股走勢崎嶇不平，但埋單始終都升咗超過兩成，所以就算今年外圍個勢幾好，股市都唔會平坦，會有啲起伏。至於今年嘅投資策略，鍾意用影像表達嘅佢再show多一張大橋嘅相，話依家我哋好似喺條橋嘅一邊，慢慢行嘅話應該可以漸入佳境咁話喎。
「BRIDGE」透露投資玄機
之後佢又用橋嘅英文字母（BRIDGE）代表咗六個今年嘅投資重點方向，除咗認為今年經濟復甦步伐唔錯（Broadening recovery）外，仲建議可以買番啲股票（Equity offers good value）同債券（Go local & global equity）。臨走前阿Will仲送咗疊利是封畀絲絲，祝願絲絲今年賺多啲，哈，總之大家咁話喇！