揭陽金屬大方招手
任志強喊晒口咁話自己「比王石更應該得到千萬年薪」。任大炮咁講，事關王石一一年有一千五百萬元年薪，喺內地房企高層排第一，但係佢就得七百萬，足足比王石少近一半，難怪任大炮詐型啦。
任大炮講到自己咁慘，民營企業揭陽金屬生態城即刻向佢招手，話願意請佢做公司CEO。揭陽金屬生態城有成100億資金，但就缺乏一個有實力同現代理念嘅CEO，所以就算要以年薪千萬請任大炮返嚟都唔介意咁話。
絲絲就覺得，任大炮係華遠嘅創辦人，坐擁最大股權，雖然王石喺萬科有舉足輕重嘅地位，但只持有萬科不足1%股權，嚴格嚟講只係打工仔，唔似得任大炮咁係大老闆，所以佢又使乜詐型呢？
余詩韻