絲絲講場：英皇金融盃女將超強

二○一二年「英皇金融盃」圓滿結束，喺短短一個月嘅比賽期間，冠軍得主林女士技壓群雄大賺13倍，日前絲絲應邀出席頒獎典禮，同獲頒10萬元支票嘅林女士交流吓投資心得。

比賽喺舊年十一月期間舉行，參賽者需要以買賣實盤黃金分勝負，須知黃金唔同港股，投資者要24小時全天候望實個市，睇番同期金價由每安士1,720美元微跌0.33%至1,714美元，絲絲不禁對大賺13倍嘅林女士佩服得五體投地。

除咗冠軍之外，亞軍同季軍得主亦分別獲頒5萬元及3萬元獎金，第四至第二十名勝出者亦獲2,000元獎勵。

賽事已經舉辦咗兩屆，心思思想挑戰林女士紀錄嘅朋友不妨先練練功，到年尾咪可以一展身手囉。