「母子攜手」前途無限
永隆嘅「80周年標誌」，個「8」字好似Infinite（無限）符號，象徵永隆嘅業務不斷延展，「0」字就包含母行招商銀行嘅Logo，代表繼續同母行攜手合作。永隆銀行常務董事兼行政總裁朱琦話，自從招行喺○八年收購永隆之後，經過四年幾時間嘅整合，協同效應加速顯現。自○九年以來，永隆銀行總資產嘅年複合增長率達到17.7%，淨利潤年複合增長率達到45.3%，朱琦話同樣超過香港銀行業平均水準o架。
絲絲收到風，永隆今年仲會舉辦一連串活動，包括製作一套紀念郵票同出版一本紀念書籍，記載永隆同香港共同成長嘅故事。永隆仲會喺浸大設立八十周年獎學金，資助成績優異嘅香港同內地大學生添。