對沖國度:天助自助達理想

收音機上,主持人正在熱烈討論四叔農地免補地價,換取興建一百萬元上車盤的建議,結論當然是彈多過讚。

「香港樓無得搞,無得跌架啦!」的士司機忽然道。

我隨即問他買咗樓未。「好彩四年前買咗,當時身家得七萬蚊,借足九成半之餘,按揭保險都無錢畀,又係借,層樓總共買咗120萬,借咗118萬,可以話九成九按揭。」「咁你都好大膽喎!」「無計,租間套房,租約一年一年續,最初2,800元,一年後加到3,800元,跟住話要4,500元,計落不如供。無嘢架,依家洗碗都成萬蚊個月,為咗供樓,頂多兩公婆去洗碗,再節衣縮食。而家我層樓值300萬,諗住加錢換層400萬,改善下生活。」

一個冒險的投資決定成功了,可以看出的士司機很快樂。正如他所講,就算樓價不是升而是跌,每月供樓當中的利息開支,就當作是交租算數,而香港低利息高工資的環境,對細價樓的確是有支持作用。

繼續炒股不炒市

這件事令自己最感動的地方,是一般人當身家只有7萬元的時候,根本不會想到去置業,而他居然四出去籌謀,找出如何可以用有限資源去達成上車的目標,可謂天助自助者的典範。大部分人的心態是遇到少少困難便放棄,一句癡線太貴買唔起便結束,少數人卻是以「我點樣至買得起」的想法來行動,他們的世界便大不同。

回說大市,繼續炒股不炒市,恒指寸步難行,股票則各自各精彩。自己的打法不外是換股,酌量將升得勁的股票減持,換入更落後股或者是防守股之上,希望再過一關,即使掉頭跌也不至太慘,基本上暫時用這一套策略不會大錯。

臨落車之前,司機再醒多幾句:「我個朋友同我一齊買樓,賺咗二百萬,攞去炒股票,結果輸番一半。」股票的技術含量,的確並非常人可以駕馭,有心理質素不夠技術一樣死。

今日策略

豐盛金融資產管理董事 黃國英(作者為註冊持牌人士)