安永會計師事務所話，佢哋根據美國調查機關嘅資料，整合咗一啲研究結果，從分析公司電郵中嘅用詞同文句，會發現郵件內容包含嘅可疑詞句，或者行文間語氣不尋常嘅轉變。
發言人仲話，普通過濾程式只會檢查電郵來往嘅數量有無唔尋常，往往就會忽略字裏行間隱藏嘅訊息。
關鍵詞句參考FBI個案
呢個程式總共收集三千多條詞句，全部都係曾經參與商業罪案嘅人所講嘅說話，而且呢啲詞句更係從FBI調查過嘅個案中抽取，公信力十足。絲絲知道，有啲詞句原來都好高危，好似「無人會發現」、「千祈唔好留低手尾」等等嘅說話，分分鐘就係員工動手前嘅徵兆，各位老闆真係要多加留意啊。