作為首家喺香港上市嘅俄羅斯企業，俄鋁（00486）喺促進兩國文化交流方面都可謂不遺餘力。絲絲聽講，佢哋今年又會搞吓新意思，諗住搞個關於「鋁」嘅有獎問答比賽，答中者有機會贏取iPad Mini o架。
俄鋁去年都試過喺自己嘅Facebook專頁「Friends of Russia」搞攝影比賽，今年再接再厲又喺個專頁玩呢個問答比賽。據俄鋁話，由於鋁係化學元素表內嘅第十三個元素，所以今次參賽者要答13條同「鋁」有關嘅冷知識問題。
啲問題依家已經喺專頁上載咗，俄鋁仲畀貼士話，問題嘅答案，喺佢哋嘅公司網站都可以搵到。只要喺今年一月廿七日前，全中或答中得最多嘅，就有機會贏取iPad Mini及Nespresso咖啡機。
絲絲啱啱都想置部咖啡機，一於上去Facebook試吓手氣先。