林衛平將接任主席
不過話口未完，創維喺收市後發出通告，話張學斌唔做主席喇，而係由黃宏生老婆林衛平接手，佢哋兩夫妻共同持有公司股權約34%。咁樣好難令人唔再有其他聯想囉！睇番個通告，張學斌話因為需要投入更多時間喺個人同家庭事務而辭職，即將於出年四月生效。
經歷咗好多風雨嘅黃宏生話，依家心態已經唔同晒，以前多數係諗點樣創業、賺錢，想有所作為，但依家就想自己成功前，先諗吓點樣令別人成功喎！回想當年，喺○六年七月，黃宏生同佢細佬黃培昇因詐騙罪被判監禁6年，○九年七月黃宏生被保釋出獄。今年八月，黃宏生兩兄弟正式回歸創維，創維要畀黃宏生每年96萬元顧問費。