扎根香港多年嘅康宏金融集團，已經將總部搬咗去北角，但原來集團喬遷之餘，亦不忘為環保出一分力，展開「Green Move」嘅環保回收運動，令絲絲相當感動。
話說集團喺九月，已經開始「Green Move」行動，旗下員工更組成咗「Green Move」回收大使，每月定時呼籲各樓層員工響應廢紙回收行動，活動至今已回收咗2,923公斤嘅可再造廢紙；同時亦將唔啱用嘅辦公室傢俬捐畀慈善團體。
行政總裁馮雪心話，相信出年二月各部門全部搬入新總部後，將會全力實施「無紙張工作」，鼓勵員工減少用紙，而且新總部會以開放式設計，裝修仲會以環保同埋大自然做主題添！