絲絲講場：渾水哥畀紋身佬點相

話明唔再沽空中資股

渾水哥憑藉獨特嘅研究報告同沽空策略，自己賺個盆滿缽滿之餘，亦令美國監管機構開始正視借殼上市嘅中資企業，成為咗部分同行嘅「英雄」及倣效對象；不過，同時亦成為咗中國民企老闆間嘅「頭號不受歡迎人物」。

據佢自己最近嘅訪問講，已經決定唔再沽空中國企業嘅佢，確實喺中國受到人身安全上嘅威脅。佢仲話，唔單止有政府特工騷擾渾水嘅分析員同員工，有一次直頭有個「紋身佬」搵上門，話要同佢「對話」喎，仲唔係「機已挑」？

絲絲唔敢講呢個係咪渾水哥唔再沽空中國企業嘅原因，但渾水研究要繼續喺咁嘅環境下做「研究」，應該都幾困難，「退出中國」都算係「理性分析」後嘅決定吖。