牛熊輪流炒:睇淡大市 揀63929

經濟跟股市本是難兄難弟,經濟有股市的推動,如虎添翼,股市無經濟支持,絕對無能為力,但內地現時卻是一個向左走,一個向右走,經濟多項數據反映經濟回暖,股市仍然好少理,跌吓一日跌吓又一日,昨日滬綜指收報1,959點,跌1.02%。

港股昨日創過十六個月以來高位,高見22,162點,但被A股拉住後腳,中段轉升為跌,尾市狂隊,跌至21,767點收市,主板成交537億元。

即月期指轉低水44點收市,圖表上恒指出現一個穿頭破腳,高開低收的形態,又再次企唔穩二萬二之上,有雙頂的情況,短期有繼續調整的機會。

里昂昨日發表報告話明年睇恒指24,500點,其他大行的目標價各有不同,但大致對後市都唔敢睇差,尤其是A股市場,但A股就繼續向下沉,令人跌盡眼鏡,有可能當大家等到無癮,心都淡晒離場的時候先來反彈,現時正考驗大家耐性。

港股上月累升1.8%,跑贏跌足4%的滬綜指,但A股唔升續跌,港股再升有困難,加上技術上的調整訊號,短線可考慮買熊證。恒指瑞信熊(63929)明年三月二十七日到期,收回點數22,550點,槓桿比率20倍。

Handsome哥