新人坐鎮 代代相傳
絲絲同鄭家咁熟，自然要畀面到場贈吓興，其實，絲絲亦係想去望吓Adrian（鄭志剛）、明星森美、仲有絲絲最想同佢一齊飲杯Cappuccino嘅陳豪。佢哋做主持兼嘉賓搞氣氛，結果當日錄得破紀錄參加人數，有接近成5,000名集團員工攜同家屬到場。
絲絲仲記得，新世界同樂日早年由創辦人彤叔（鄭裕彤），到由第二代接班人純官（鄭家純）坐鎮。而當日個競技比賽，由集團旗下新創建集團（00659）攞咗冠軍，頒獎嘅就係未來接班人新世界發展執行董事兼聯席總經理Adrian。
新世界發展七○年成立，七二年上市，原來已經40幾年，絲絲好希望彤叔快啲好番，三爺孫一齊出嚟見吓大家。
余詩韻