絲絲講場：史丹福改校徽要「揩Tech」

Lisa Lapin解釋話，雖然舊校徽嘅設計非常經典，學術氣息都十分濃厚，不過舊校徽嘅線條太幼，只適合用喺印刷品上，喺網頁上顯示出嚟就無咁好睇，而喺iPhone上睇仲會走晒樣添。

再加上，唔少IT界猛人都係史丹福大學出身，所以校方覺得要設計番一個「tech」啲嘅校徽喇。

IT主帥搖籃

絲絲醒起，Google創辦人Larry Page同Sergey Brin、Yahoo!創辦人楊致遠、同HP電腦嘅創辦人都係史丹福大學畢業o架。有呢班咁出色嘅校友，難怪學校要改校徽嚟提醒吓大家。

今次改校徽，其實仲有另一個理由：話說舊校徽一直用緊Sabon呢隻字體，所以用親自己舊校徽就要畀好多授權准用費；不過今次史丹福大學請咗設計公司重新設計校徽，佢哋就終於可以名正言順咁擁有校徽嘅設計，一舉兩得。