絲絲睇番當局嘅報告，原來係保誠嘅財務顧問，唔小心將呢兩位同名同姓客人嘅戶口夾埋做1個，入面嘅退休金仲要有成幾萬英鎊，就算之後其中1個客發現咗有問題通知保誠，保誠都要成3年先搞番掂，難怪好多人都話今次事件係一齣鬧劇。
速速補鑊 強化培訓
其實近排全球保險業競爭激烈，好似呢幾日保誠先宣布買入1間泰國壽險公司，舵手譚天忠仲話可能將總部搬嚟亞洲，所以將客戶資料撈亂嘅低級錯誤，真係咪再犯喇，搞到CEO無face之餘，畀啲客攞嚟講就唔好喇。
好彩保誠之後好快補番鑊，嗱嗱臨加強對員工嘅培訓，仲更新咗處理客戶資料嘅程序，吸收咗今次教訓之後，絲絲相信佢都應該無下次o架喇。