絲絲講場：年度書王直踩埃克森帝國

有力影響國家決策

科爾早前憑住大作《幽靈戰爭》拎過普立茲獎，今次佢本書講美國石油巨企埃克森美孚嘅政經界勢力，足以影響到其他國家決策，甚至引發內戰。科爾認為，我哋生於呢個世界，就需要全面思考吓企業機構、社會同政治之間嘅關係。

負責評審嘅《金融時報》編輯力讚呢本書具批判性之餘，描寫得好細緻。科爾喺今次比賽拎到3萬英鎊獎金。

至於其他入圍者，除咗嗰兩本傳記，仲有憑《正義：一場思辨之旅》爆紅嘅作家桑德爾新作《錢買不到的東西：金融與正義的攻防》、由華爾街大鱷轉型做神經科學學者科茨嘅《狗與狼的時刻》，同埋大學政經學家合著嘅《為甚麼國家衰亡》均獲得獎金1萬英鎊。