眾所周知阿里巴巴「掌舵人」馬雲嘅創意力十足，但估唔到佢呢排喺髮型方面都搞搞新意思，將啲頭髮剷走晒，一副光頭look同一班員工嘅合照，在網上瘋傳呢！唔單只網民嚇咗一跳，連佢自己嘅同事都話眼前一亮喎。
馬雲呢個「新look」，引起網民各種各樣猜測，有人估佢係咪因為事業、感情受挫，又估佢身體出現咗問題。更有人言之鑿鑿話佢同中國「創業達人」史玉柱，就「京東、蘇寧價格大戰」結局打賭，依家輸咗而要兌現呢個君子協定剃光頭。
不過，絲絲八卦到馬雲「新look」完全無任何打賭成分喺入面，只係佢個人決定想轉吓新髮型啫！
早前絲絲都同大家講過一個調查，話男人光頭，唔單只man啲，而且仲畀人有領導能力嘅感覺，唔知馬雲係咪睇完呢個調查結果，做咗呢個咁果斷嘅決定呢？
網民對於馬雲「新look」讚口不絕，覺得好青澀。佢喺事業上經過咁多年風風雨雨，依家阿里集團喺雅虎手上回購股份嘅計劃又搞得如火如荼，絲絲相信馬雲唔會就咁掉低阿里「親生仔」。
余詩韻