只供投資者講心得
溫克爾沃斯兄弟告朱仔場官司上年底完結，獲賠償2,000萬美元現金同埋價值4,500萬美元嘅fb股份。佢哋跟住喺二月成立溫克爾沃斯資本，專門用自己錢嚟做投資，第一單投資就係SumZero喇。SumZero係由同為哈佛畢業嘅納倫德拉喺○八年成立嘅，最大賣點就係畀啲投資者交換投資心得同研究報告。
想做SumZero嘅用戶都唔易㗎，佢哋只係接受嚟自「買方」嘅投資者，好似對沖基金同私募基金咁，嚟自華爾街大行嘅分析員係唔得㗎，而依家用戶人數大約7,500人。溫克爾沃斯覺得SumZero對用戶咁「揀擇」，就好似早期嘅fb只係畀某啲大學有「.edu」電郵地址嘅人加入咁喎。