美資行最叻僅排29
呢個結果都幾正路，話晒德國係歐元區大阿哥，實力至強，唔信佢信邊個？荷蘭喺歐債危機中，沾不上鍋邊，亦係安樂土。
○九年金融海嘯，去到歐債危機，足足玩咗四年，要保住資產，最好搵有國家支持嘅銀行，同避開美資銀行！睇個排名榜就知，至叻嗰間美資行，都要排到去29位，呢間就係紐約梅隆銀行，而摩通、美銀同花旗呢三家美國大行，統統榜上無名。美國嘅鄰居加拿大今次飲得杯落啦，因為佢嘅頭五大銀行，最差嗰間都排26位，叻過晒美資行。
至於香港人最熟悉，最有親切感嘅滙豐銀行，都打咗入30大，排喺第23位。排最前嘅中資行，就係第28位嘅國家開發銀行。下次決定要揀邊間銀行嗰時，不妨參考吓呢個排名啦！